iMit, OSIMGA, Mancomún

Publicado o Boletín de Reutilización de Software Libre nas Administracións Públicas deste mes de Xaneiro

Mancomún - Vie, 18/01/2019 - 20:22

Xa está publicado o número 54 do Boletín de Reutilización de Software Libre nas Administracións Públicas correspondente a este mes de xaneiro.

O proxecto destacado deste mes é Moodle, a ferramenta de xestión da aprendizaxe por excelencia que nos permite crear platarformas virtuais de formación interoperables empregando software libre.

No apartado de novas destacamos que a Unión Europea financiará a solución de erros en proxectos libres, a publicación do informe sobre a reutilización de datos en Europa, a ampliación da oferta do CDTIC virtual con FacturaScripts e a organización dun obradoiro de iniciación a GIMP da man de Bricolabs.

Dende agosto de 2014, a oficina de coordinación de software libre da Amtega vén elaborando e difundido entre os responsables en materia TIC da Xunta de Galicia un boletín, de periodicidade mensual, sobre reutilización de software libre polas administracións públicas. Nel recóllense iniciativas sobre solucións libres, open data e estándares abertos; experiencias de uso de ferramentas libres que se identifican noutras administracións públicas de interese e aplicabilidade dentro da Xunta de Galicia; documentación ou formación de interese nesta materia, etc.

Dende Outubro de 2015, este boletín vense publicando no portal mancomún, co obxectivo de incrementar a difusión desta información noutras administracións públicas, como por exemplo as entidades locais, ou en calquera outra entidade ou organismo que lle poida ser de utilidade.

Liberouse o Apache NetBeans 10.0

Mancomún - Jue, 17/01/2019 - 18:15

O entorno de desenvolvemento integrado Apache NetBeans liberou recentemente a súa versión 10.0, contando con novidades como o soporte de JDK 11, JUnit 5, PHP. Poden verse todas as novidades nas notas da versión.

O xoves 17 haberá unha nova reunión de Python Vigo

Mancomún - Mié, 16/01/2019 - 13:08

O grupo Python Vigo organiza a súa primeira reunión de 2019 o xoves 17 ás 20:00 no Coworking Kaleido.

Estas reunións teñen lugar unha vez ao mes e como finalidade difundir e dar a coñecer diversos aspectos e proxectos arredor da linguaxe de programación libre Python así como dinamizar a comunidade existente arredor da mesma.

A reunión deste xoves terá como evento principal a charla denominada “La serpiente y el cerdito” na que Clara Casas Castelo e Miguel Sánchez de León Peque nos contará como crear un peto intelixente e conectada mediante MicroPython. A maiores da charla principal tamén haberá outras charlas curtas ou “Lightning Talks” nas que calquera asistente pode comentar a súa experiencia relacionada con Python.

Dende Python Vigo tamén nos recordan que continúan buscando propostas para as futuras charlas.

Para máis información sobre o evento, pódese visitar a nova da súa páxina web.

Nexcloud conta cunha nova versión

Mancomún - Mar, 15/01/2019 - 19:16

Nexcloud liberou en decembro a versión 15 con novas funcionalidades entre a que está a de crear redes sociais descentralizadas que pode ser útil para crear unha rede social privada corporativa. Nesta nova versión tamén melloran a experiencia de uso do traballo colaborativo en documentos, a xestión de contactos e a autenticación en dous factores. A información completa pode verse no blog do proxecto.

Un ano máis A FOSDEM reunirá en Bruxelas a máis de 8000 desenvolvedores e usuarios de software libre

Mancomún - Mar, 15/01/2019 - 18:59

Dende o ano 2000 organízase na primeira fin de semana de febreiro en Bruxelas a maior convención de desenvolvedores de software libre de Europa. Esta é unha convención anual que serve para poñer en contacto aos desenvolvedores de software libre na que hai máis de 600 actividades.

A FOSDEM, que ven do inglés Free and Open Source Software Developers European Meeting, está organizada pola comunidade do software libre, conta con voluntarios que fan posible que máis de 8000 persoas enchan e desfruten deste evento no campus de Solbosch da ULB (Université libre de Bruxelles) na primeira fin de semana de febreiro.

O evento oficial comeza o sábado, aínda que todos os anos hai unha festa de benvida o venres á noite no Delirium Café onde hai tempo para establecer contactos e coñecer xente nova ou coa que te relacionas habitualmente de forma remota.
Durante toda a fin de semana hai máis de 20 eventos simultáneos, salvo a charla inaugural e a clausura, existen diversos tipos de conferencias, pero practicamente todas son técnicas, sobre proxectos ou tecnoloxías libres, tamén hai charlas sobre a comunidade ou a legalidade arredor do software e hardware libre.
Todos os anos existen unhas conferencias principais, que van variando a temática e despois existen o que se lle chaman as developers room, nas que teñen lugar charlas, sesións de traballo, obradoiros…

A maiores das conferencias, todos os anos hai convocatorias de exames de certificados de tecnoloxías libres e tamén existen eventos non oficiais que as comunidades dos proxectos aproveitan para organizar en Bruxelas ou arredores, así como un evento de sinatura de claves criptográficas.
Durante toda a fin de semana existe tamén un recuncho para facer recrutamento pasivo de emprego relacionado co software libre, expositores onde os diversos proxectos de software libre expoñen as súas últimas novidades, merchadising e recolecta de doazóns e tamén acude un posto da editorial O’Reilly con unha morea de libros sobre tecnoloxías libres.

Destacamos tamén que a convención FOSDEM é gratuíta, de acceso libre e sen inscrición de ningún tipo.
Podes ver toda a súa programación na súa páxina, e en caso de estar interesada en algunha conferencia é probable que a poidas seguir en directo por streaming, ou senón, pasado un tempo poderás velo a través da páxina das gravacións.

Bricolabs organiza un obradoiro de iniciación a GIMP

Mancomún - Lun, 14/01/2019 - 16:21

O vindeiro sábado día 19 de xaneiro, no museo Domus da Coruña ás 11:00 terá lugar un obradoiro de introdución ao retoque fotográfico co software libre GIMP (GNU Image Manipulation Program), está pensado para toda a persoa á que lle guste a fotografía e desexe mellorar as súas instantáneas e coñecer diversas técnicas de retoque e manipulación.

A asociación Bricolabs é a encargada da organización deste obradoiro que terá unha duración de 4 horas e estará impartido por Jorge Lama que nos presentará a ferramenta libre de retoque fotográfico por excelencia, a actividade é gratuíta e tanto para inscribirse como para recibir máis información sobre o mesmo pódese facer vía correo electrónico ao propio Jorge Lama.

O goberno francés crea a comunidade de software libre “Blue Hats”

Mancomún - Jue, 10/01/2019 - 21:51

O goberno francés, que xa ten dado pasos cara o uso e o fomento do software libre, pechou o ano lanzando “Blue Hats”, unha comunidade de hackers polo interese xeral segundo os organizadores.

Mediante esta iniciativa pretenden reunir persoas con perfís de desenvolvedores, deseñadores, analistas de datos ou usuarios de software libre con orientación cara a administración pública e con ánimo de compartir coñecemento e experiencias sobre o desenvolvemento e a implantación de proxectos libres en organismos e entidades públicas. É dicir que teñan como denominador común estar ou ter estado traballando en proxectos de interese público e xeral.

O primeiro encontro desta nova comunidade tivo lugar en decembro durante o París Open Source Summit e na cal diversos relatores explicaron as súas experiencias en varios proxectos e iniciativas relacionadas co software libre dentro da administración pública francesa entre os que destacamos o portal que aglutina proxectos libres usados polas entidades públicas “Comptoir du libre“.

Fonte da nova: https://joinup.ec.europa.eu/news/les-blue-hats

A Unión Europea financiará a solución de erros en 15 proxectos de software libre

Mancomún - Mar, 08/01/2019 - 21:13

A Comisión Europea decidiu recentemente levar a cabo un programa de recompensas para a corrección de erros en 15 proxectos de software libre, este programa de axudas está enmarcado dentro do proxecto FOSSA (do inglés Free and Open Source Software Audit). Proxecto que naceu no seo da Unión Europea a iniciativa da europarlamentaria Julia Reda co ánimo de auditar e mellorar a seguridade do software libre que se emprega nas institucións europeas.

Os programas de recompensa por corrección de erros (en inglés Bug Bounty) son iniciativas que recompensan a quen atope, notifique e solucione erros nun software en concreto. Iniciativas como estas son levadas adiante por administracións e grandes corporacións para incentivar a colaboración da comunidade de usuarios e desenvolvedores a mellorar a seguridade das aplicacións que estas empregan. En concreto a Unión Europea xa ten convocado iniciativas similares a esta en outras ocasións, como a que anunciamos previamente no portal.

Este último programa de recompensas premiará cun total de 851.000€ a corrección de erros en 15 proxectos libres. Os primeiros proxectos xa contan co prazo aberto para notificar os erros dende o 7 de xaneiro ata o 15 de agosto na plataforma HackerOne e son os que seguen:

O día 15 de xaneiro e a través da plataforma Intigriti poderán realizarse os avisos sobre a seguridade dos proxectos seguintes:

E por último, a través de HackerOne, poderán notificarse fallos no software midPoint a partir do 1 de marzo.

Coñece as apps que reducen a contaminación, a obsolescencia programada e o consumo de combustible

iMit - Mar, 08/01/2019 - 18:45

Nesta actividade do CDTIC as persoas usuarias de automóbiles coñecerán unha app para aforrar en combustible, diminuír os gastos en talleres, reducir a contaminación, prolongar a vida útil dos coches e aumentar a súa fiabilidade.

Idioma Galego

Crece un 145% o uso da internet entre os galegos de 55 a 64 anos desde 2011

iMit - Dom, 06/01/2019 - 11:15

• Multiplícase case por cinco a porcentaxe de persoas de 65 a 74 anos que empregan a rede no últimos sete anos
• En Galicia os maiores de 55 anos representan preto do 40% da poboación
• A idade e a convivencia con nenos son algúns dos factores determinantes no uso e na contratación de internet en Galicia

Idioma Galego

A plataforma do libro dixital incorpora novos contidos de inglés para os 21.000 alumnos e docentes da iniciativa E-Dixgal

iMit - Sáb, 05/01/2019 - 10:30
Idioma Galego

• A Editorial Pearson ofrece novos recursos multimedia, actividades interactivas e complementarias da materia de inglés para o alumnado así como contidos específicos para o profesorado
• É unha das medidas previstas para seguir estendendo a educación integramente dixital en Galicia, que xa está presente en 267 centros das catro provincias galegas

E-Dixgal

Último mes para solicitar as axudas da Xunta para dotar de banda larga ultrarrápida a autónomos e empresas illadas en zonas do rural

iMit - Dom, 30/12/2018 - 11:15

• O 31 de xaneiro de 2019 rematará o prazo no que poden realizar a súa solicitude empresas e autónomos que non dispoñan de internet de cando menos 30 Mbps.
• A Xunta destinará 600.000 euros a axudas para subvencionar ata o 100% dos custos das tarefas para a dotación de banda larga ultrarrápida, cun máximo de 20.000 euros por beneficiario
• É a segunda convocatoria desta liña de axudas enmarcada no Plan de Banda Larga da Xunta, que complementa á actuación lanzada en 2016 para dotar de conexión a internet de ata 350Mbps a 81 polígonos industriais

Idioma Galego

A Xunta activa o servizo de cita previa online nas oficinas principais de rexistro

iMit - Mar, 25/12/2018 - 10:15

• Os cidadáns poden reservar a través do portal da Xunta o día e hora na que realizar as súas nos rexistros de Santiago, A Coruña, Lugo, Ourense, Pontevedra e Vigo
• Estes rexistros concentran máis do 50% da entrada de documentación na Xunta de Galicia e están equipados para dixitalizar os documentos que os cidadáns entregan en papel

Idioma Galego

LibreOffice Impress para estudantes

iMit - Lun, 24/12/2018 - 09:54

Curso moi indicado para os rapaces que comezana a facer presentacións no ordenador para clase. É recomendable facer o curso tras LibreOffice Writer para estudantes.

Idioma Galego

O CDTIC virtual da Amtega amplía a súa oferta de aplicacións libres cunha nova solución para a xestión empresarial

Mancomún - Vie, 21/12/2018 - 19:40
  • O Centro Demostrador TIC pon a disposición das empresas usuarias a aplicación FacturaScripts, unha solución de planificación de recursos empresariais e de administración da relación cos clientes para que poidan probala e coñecer as súas características
  • Máis de 100 empresas solicitaron os servizos do CDTIC Virtual, que ofrece a posibilidade de analizar e probar, de xeito gratuíto, solucións empresariais libres que están aloxadas na nube

O Centro Demostrador TIC da Axencia para a Modernización Tecnolóxica de Galicia (Amtega) amplía a súa listaxe de ferramentas informáticas no CDTIC Virtual coa inclusión de FacturaScripts.

Esta nova solución do CDTIC Virtual está deseñada para axudar aos usuarios na planificación de recursos empresariais e na administración da relación cos clientes.

Entre as funcionalidades máis destacadas desta aplicación atópanse a capacidade de engadir, segundo estamos a crear unha factura ou un albará, clientes á nosa lista, produtos ao noso catálogo e mesmo xerar asentos contables; a realización de cálculos automáticos de prezos e custos de venda; ou a capacidade de xerar orzamentos que posteriormente se poden converter en pedidos, albarás e/ou facturas. Trátase dunha ferramenta completamente accesible dende calquera dispositivo que teña un navegador web que conta tamén cun amplo catálogo de plugins e unha activa comunidade de colaboradores.

Centro Demostrador TIC Virtual

O CDTIC Virtual, posto en marcha polo Centro Demostrador TIC, constitúe un servizo no que empresas, organizacións e persoas usuarias poden probar e avaliar distintas aplicacións en software libre a través dun servizo na nube nun contorno privado, sen necesidade de dispoñer de recursos informáticos propios ou de persoal con coñecementos avanzados de sistemas.

Na actualidade, as solucións dispoñibles no CDTIC Virtual son Zabbix, unha ferramenta de software libre para seguimento de equipos e redes; Nextcloud, un servizo para compartir arquivos na nube; Odoo, un ERP para a xestión integral dunha empresa; CiviCRM, un software de xestión de relacións con clientes (CRM) orientado ao seu uso por parte de organizacións que traballan no eido social; PrestaShop, unha plataforma web de comercio electrónico (e-commerce); Alfresco, un software de xestión documental profesional; e Tenda en liña con WordPress, unha ferramenta ideal para comercios cun catálogo pequeno, unha opción moito máis eficaz e funcional que outras alternativas no mercado para este tipo de negocios.

As persoas interesadas en solicitar a avaliación dunha das aplicacións dispoñibles non teñen máis que rexistrarse como empresas e profesionais na web do CDTIC e posteriormente solicitar a aplicación ou as aplicacións que sexan do seu interese. Ata o momento xa o fixeron máis de 100 empresas usuarias do CDTIC Virtual.

O CDTIC virtual da Amtega amplía a súa oferta de aplicacións libres cunha nova solución para a xestión empresarial

iMit - Vie, 21/12/2018 - 19:15

• O Centro Demostrador TIC pon a disposición das empresas usuarias a aplicación FacturaScripts, unha solución de planificación de recursos empresariais e de administración da relación cos clientes para que poidan probala e coñecer as súas características
• Máis de 100 empresas solicitaron os servizos do CDTIC Virtual, que ofrece a posibilidade de analizar e probar, de xeito gratuíto, solucións empresariais libres que están aloxadas na nube

Idioma Galego

FreeBSD 12.0 liberada

Mancomún - Jue, 20/12/2018 - 12:30

O sistema operativo libre de estilo UNIX, FreeBSD, acaba de liberara a súa versión número 12. Esta nova versión chega 2 anos despois da última versión maior e na páxina web pódese atopar a release notes con todas as novidades. FreeBSD é un dos herdeiros de UNIX BSD máis simple de usar e máis empregados, do que derivan outras distribucións como pfsense ou FreeNAS.

Python Vigo terá a última reunión de ano o xoves 20

Mancomún - Mié, 19/12/2018 - 12:04

O grupo de Python Vigo leva uns anos realizando reunións periódicas nas que teñen lugar diversas charlas, obradoiros e actividades de networking, no portal de Mancomún xa temos publicado varias destas convocatorias e incluso o convite a realizar propostas para as charlas das súas reunións.

Para despedir o ano, organizan a súa última reunión deste 2018, na cal David Lorenzo impartirá unha charla introdutoria sobre Micropython e como usalo en dispositivos ESP32 e como ven sendo habitual tamén haberá charlas curtas nas que calquera dos asistentes contará con 5 minutos nos que poderá realizar a súa intervención relacionada con Python.

A reunión terá lugar o xoves 20 ás 20:00 horas no Coworking Kaleido, para máis información pódese visitar a nova na súa páxina.

Xubuntu deixará de soportar a arquitectura de 32 bits

Mancomún - Mar, 18/12/2018 - 17:00

Xubuntu deixará de contar co soporte para a arquitectura de 32 bits, sendo a versión 18.10 a última versión en ter a posibilidade de instalarse na vella arquitectura. A decisión tomada polo equipo de Xubuntu é a que están adoptando a maior parte das distribucións derivadas de Ubuntu pois esta última xa hai tempo que tomou esta decisión e de seguir soportando a arquitectura o equipo de desenvolvedores de Xubuntu sería que terían que desempeñar todo o traballo dese soporte.

Firefox 64 chega con diversas melloras

Mancomún - Lun, 17/12/2018 - 15:03

Firefox, o navegador libre de Mozilla, acaba de liberar a versión 64 na cal melloran o rendemento para os usuarios de GNU/Linux e de Mac OS, incorporan a xestión avanzada das lapelas e moitas outras novidades que se poden ver nas notas da versión.

Distribuir contenido