iMit, OSIMGA, Mancomún

Hangouts

iMit - Hace 11 horas 54 mins

Mecanismos e ferramentas para a comunicación en tempo real a través da internet

Idioma Galego

Seguridade na internet

iMit - Hace 12 horas 1 min

Capacitación na xestión dos riscos relacionados coa navegación por internet

Idioma Galego

OSGeo e GeoForAll convocan o premio universitario GeoForAll Iberoamérica 2018

Mancomún - Hace 12 horas 37 mins

O premio universitario ten como obxectivo fomentar o uso da xeomática libre no ambiente universitario iberoamericano. Podendo participar deste premio calquera universitario de Sudamérica, Centroamérica, o Caribe, México, España e Portugal, poden presentar os seus traballos en castelán, portugués ou inglés.
Este premio é unha boa oportunidade de dar visibilidade a proxectos que inicien ou proxectos nos que participen os universitarios e nos que empreguen tecnoloxías de información xeográfica libre.

As bases do concurso están dispoñibles en español e en inglés.

Os premios serán anunciados durante a quintas Xornadas gvSIG de Uruguay o 18 de outubro de 2018 e consta dunha contía de 250$ para o primeiro premio, 150$ para o segundo e 100$ para o terceiro, alén do recoñecemento por parte da comunidade OSGeo e GeoForAll.

 

Fonte: http://www.gvsig.com/es/eventos/jornadas-uruguay/2018/premio-geoforall-iberoamerica-y-osgeo

110 novos centros incorporan o Libro Dixital no vindeiro curso 2018/19, con 18.000 alumnos beneficiados en toda Galicia

iMit - Lun, 16/07/2018 - 17:15
Idioma Galego

• A Consellería de Educación dálle un novo impulso ao proxecto E-Dixgal, enmarcado na Estratexia galega de educación dixital 2020, cun total de 264 centros, un 70% máis que o pasado curso

A distribución Linux Mint publica nova versión

Mancomún - Lun, 16/07/2018 - 15:27

A distribución baseada en Ubuntu 18.04 anunciou a súa versión 19 co nome de Tara, con escritorios Cinnamon, MATE ou Xfce. Está enfocada a facer máis sinxelo o uso de GNU/Linux aos novos usuarios.
Podedes descargar a nova versión da páxina oficial e ver as novidades aquí.

Publicado o décimo cuarto número do Boletín de Software Libre para o sector Empresarial

Mancomún - Lun, 16/07/2018 - 10:36

Xa está publicado o décimo cuarto número do Boletín de Software Libre para o sector Empresarial, correspondente a este mes de Xullo.O proxecto destacado deste mes é bitwarden, unha plataforma de xestión de contrasinais multiplataforma e multidispositivo.

No apartado de novas destacamos a sesión demostradora de FacturaScripts que organiza o CDTIC, a nova versión de LibreOffice que xa comeza a estar preparada para entornos empresariais, o fallo dos premios Open Awards, o novo número de Xeración Ñu e os obradoiros sobre tecnoloxías libres da iniciativa SmartPeme.

Boletín Software Libre na Empresa

Este boletín xurde polo éxito e o interese que está a ter o boletín adicado a mostrar as solucións de software libre que se están a empregar en diferentes administracións públicas. No caso deste novo boletín, tanto os proxectos e ferramentas destacadas como os casos de éxito e as novas recompiladas están orientada ao sector empresarial galego, tratando de difundir casos de éxito de aplicacións de software libre que están sendo empregadas por outras empresas ou ferramentas e proxectos de software libre que poden resultar de interese para o tecido empresarial, tanto para uso propio como tamén como posible opción de xerar negocio a través del.

Ademais de recompilar diferentes novas sobre solucións con software libre, todos os meses destacarase un proxecto ou ferramenta de software libre, así como un caso de éxito de implantación da mesma por parte dunha empresa, tratando de dar a coñecer non só a solución como tal senón mostrando un exemplo de que está a ser empregado e solucionando unha necesidade que calquera outra empresa pode ter tamén.

O CDTIC da Amtega organiza sobre unha sesión demostradora sobre unha aplicación de software libre para levar a contabilidade

iMit - Dom, 15/07/2018 - 10:00

• A sesión “Facturascripts a mellor alternativa para o seu negocio” será impartida por Ítaca Software Libre, no marco da colaboración entre Amtega e Agasol
• A inscrición é de balde e aínda é posible facela, xa que as prazas, polo momento, non están cubertas.

Idioma Galego

A Amtega publica un novo portal do Osimga para facilitar o acceso a todos os datos da evolución da sociedade da información en Galicia

iMit - Sáb, 14/07/2018 - 11:00

• A nova web ofrece un deseño gráfico actualizado e deseño responsive para o acceso dende móbiles e tablets
• Máis de 2.700 subscritores reciben o boletín do Osimga cunha selección de noticias de actualidade, eventos e ligazóns a outras fontes de información sobre dixitalización
• Entre as novidades do Plan de Traballo para 2018 o Osimga prevé a incorporación de novos indicadores sobre ciberseguridade, redes sociais e economía colaborativa na Enquisa a Fogares

Idioma Galego

Google Docs

iMit - Vie, 13/07/2018 - 14:27

Esta sesión organizada polo CeMIT consistirá en expoñer Google Docs para a elaboración de documentos de texto a través do ordenador

Idioma Galego

Bicolabs imparte un obradoiro de introdución á programación con Python en Raspberry Pi

Mancomún - Vie, 13/07/2018 - 13:43

O obradoiro terá lugar o sábado 21 de xullo no museo Domus da Coruña ás 10:30, está impartido e organizado por Bricolabs ao abeiro do convenio da Amtega coas asociacións de software libre.

O obradoiro estará centrado na programación de Raspberry Pi. A Raspberry Pi é unha mini computadora composta por unha única placa do tamaño dunha tarxeta de crédito e é moi empregada no mundo maker para realizar prototipos de proxectos de robótica, IoT, multimedia, sensorización e automatización.
Debido á súa popularidade, desenvolvéronse moitas bibliotecas e proxectos arredor deste dispositivo, é por iso que Bricolabs impartirá este obradoiro arredor da programación con Python en Raspberry Pi, onde se van centrar no uso da biblioteca gpiozero que facilita o acceso aos portos GPIO, estes portos permiten conectar unha infinidade de hardware á Raspberry Pi e controlalos dende esta.

Esta actividade tamén está encamiñada a ir “quentando motores” de cara á OSHWDem, que é a feira tecnolóxica anual que organiza Bricolabs no outono dende hai uns anos na Coruña.

Pódese atopar máis información sobre a actividade na páxina web do evento.

Así será a nova resintonización da TDT pola chegada do 5G

iMit - Mié, 11/07/2018 - 13:58

Idioma Galego

Plan de acción 2018

iMit - Mié, 11/07/2018 - 13:15

O Plan de acción 2018 ten por obxecto regular a actividade da Amtega durante o exercicio 2018 mediante o establecemento das actividades a desenvolver, os valores a acadar e os responsables de levalas a cabo no marco dos obxectivos estratéxicos previstos.

Idioma Galego

Suse anuncia a nova versión do seu sistema operativo empresarial

Mancomún - Mié, 11/07/2018 - 11:44

A empresa fornecedora do sistema operativo GNU/Linux, SUSE, que leva en activo dende 1992 e foi unha das primeiras empresa en ofrecer este de forma comercial, ven de anunciar a versión número 15 da súa distribución empresarial, SUSE Linux Enterprise. Aínda que o anuncio xa se produciu a finais de xuño, a nova versión non estará dispoñible ata mediados deste mes.

Esta nova versión da distribución do camaleón chega para suceder á 12, liberada en 2014 e que conta con soporte ordinario ata 2024 e o estendido ata 2027.
SUSE SLES 15 contará con dez anos de soporte xeral e tres máis de soporte estendido, as novidades introducidas nesta versión son moitas, as destacadas na nota da versión son a introdución de Python 3 como a versión por defecto desta linguaxe de programación, a posibilidade de administración con Salt, a substitucións de OpenLDAP por 389 Directory Server e os distintos xeitos de instalación posibles a través do instalador unificado ou dende openSUSE Leap.

Outras novidades do mundo SUSE

A finais do mes de xuño comezaron os rumores dunha posible compra de SUSE por parte da Sueca EQT Partners, rumores que se fixeron certos o 2 de xullo, como se pode ver na páxina web de EQT, nova na cal nos contan que manterán SUSE como unha empresa independente e que tratarán de fortalecer a súa posición como unha das empresas líderes no software libre fomentando o negocio na nube pública de SUSE.

Facturascripts software libre de contabilidade

iMit - Mié, 11/07/2018 - 09:00

O obxectivo desta sesión é presentar FacturaScripts, un programa fácil, de software libre, accesible e potente, que permite levar ao día a contabilidade da empresa sen moito esforzo

Idioma Galego

#DemosXweb. Nova norma de protección de datos: O RXPD e a nova LOPD

iMit - Mié, 11/07/2018 - 08:43

A organización desta sesión responde ao obxectivo de coñecer e valorar os cambios e as obrigacións esixidos pola nova lexislación de protección de datos aplicada á contorna empresarial para así evitar, principalmente, posibles sancións.

Idioma Galego

LibreOffice 6 comeza a estar listo para o entorno empresarial e de producción

Mancomún - Lun, 09/07/2018 - 17:58

A fundación “The Document Foundation“, que está detrás do desenvolvemento de LibreOffice, anunciou a quinta revisión da versión 6 da suite ofimática, versión que conta coas máis novidosas características enfocadas a entusiastas e usuarios máis atrevidos; pero despois de catro revisións menores, nesta quinta revisión máis madura, dende a fundación declaran que tamén está lista para calquera usuario e entornos empresariais.

Dende a “Document Fundation” recomendan a instalación, despregue ou desenvolvementos personalizados en entornos de produción da man de profesionais certificados, como poden ser as empresas galegas Igalia ou LibreBit, presentes no listado da páxina web.

Como ven sendo habitual o paquete LibreOffice conta coa localización e tradución ao galego e ao castelán, tanto da interface de usuario coma da axuda integrada, así como cos correspondentes correctores ortográficos.
Poden verse as notas da versión aquí.

A Xunta amplía o sistema de videointerpretación a todos os teléfonos de emerxencias en aras de facilitar a relación das persoas con dificultades auditivas coa Administración pública galega

iMit - Lun, 09/07/2018 - 14:15

• O vicepresidente da Xunta, Alfonso Rueda, e a directora da Amtega, Mar Pereira, asinaron hoxe un convenio de colaboración coa Federación de Asociacións de Persoas Xordas de Galicia
• Todos os teléfonos de emerxencia da Xunta disporán do servizo de videointerpretación, o 112, o 085, o teléfono da Muller, o Social, o do Voluntariado e da Infancia; o da Saúde en liña; e o 065

Idioma Galego

Nova versión de OpenShot

Mancomún - Lun, 09/07/2018 - 11:39

O editor de vídeo libre e multiplataforma OpenShot comeza o verán coa nova versión 2.4.2. Esta versión trae melloras de estabilidade, novos efectos, corrección de erros e moito máis que poder ver nota da versión.

Distribuir contenido