iMit, OSIMGA, Mancomún

O xoves 18 terá lugar unha nova reunión de Python Vigo

Mancomún - Mar, 16/10/2018 - 19:39

Python Vigo organiza unha nova reunión na que Cristina Luna falará de “Python Espacial“, Román Pena Pérez rematará coa última das sesións da súa charla titulada “Lectura de matrículas con OpenCV y Python” e posteriormente haberá un oco para diversas charlas relámpago, nas que se conta con cinco minutos por cada unha, que poden ser charlas preparadas ou incluso improvisadas no momento.

O evento terá lugar o xoves 18 de outubro ás 20:00 horas no “coworking” de Kaleido en Vigo, para máis información sobre o evento pódese visitar a páxina web do mesmo.

A Xunta ofrece este ano máis de 1.200 horas de formación sobre administración dixital aos empregados públicos

iMit - Mar, 16/10/2018 - 16:30
Idioma Galego

• As directoras da Amtega e da EGAP xunto co presidente do CPEIG inauguraron hoxe unha nova edición do Curso Superior en Administración Electrónica
• Un total de 80 profesionais da Administración galega participan neste itinerario formativo, que rematará o 27 de novembro
• É un dos 55 cursos do Plan que acompaña ao proceso de transformación dixital que se está a abordar na Administración autonómica

Inauguración do Curso Superior de Administración Electrónica

KDE recibe 300.000$ de Handshake

Mancomún - Mar, 16/10/2018 - 11:36

A asociación detrás de KDE Plasma e KDE Applications (KDE e.V.) que acaba de cumprir 22 anos ven de anunciar a nova de que Handshake Foundation realizará unha doazón de 300.000$ dos que 100.000$ serán destinados a suite ofimática Calligra.

Publicado o décimo séptimo número do Boletín de Software Libre para o sector Empresarial

Mancomún - Lun, 15/10/2018 - 11:30

Xa está publicado o décimo septimo número do Boletín de Software Libre para o sector Empresarial, correspondente a este mes de Outubro. O proxecto destacado deste mes é Jitsi, unha plataforma de videoconferencia, chat e telefonía IP.

No apartado de novas destacamos a celebración dun obradoiro de FreeCAD e un curso de Arduino, a publicación dun novo número da publicación Xeración Ñu, a liberación de MiniNo e varios obradoiros de tecnoloxías libres.

Boletín Software Libre na Empresa

Este boletín xurde polo éxito e o interese que está a ter o boletín adicado a mostrar as solucións de software libre que se están a empregar en diferentes administracións públicas. No caso deste novo boletín, tanto os proxectos e ferramentas destacadas como os casos de éxito e as novas recompiladas están orientada ao sector empresarial galego, tratando de difundir casos de éxito de aplicacións de software libre que están sendo empregadas por outras empresas ou ferramentas e proxectos de software libre que poden resultar de interese para o tecido empresarial, tanto para uso propio como tamén como posible opción de xerar negocio a través del.

Ademais de recompilar diferentes novas sobre solucións con software libre, todos os meses destacarase un proxecto ou ferramenta de software libre, así como un caso de éxito de implantación da mesma por parte dunha empresa, tratando de dar a coñecer non só a solución como tal senón mostrando un exemplo de que está a ser empregado e solucionando unha necesidade que calquera outra empresa pode ter tamén.

A Amtega pon en marcha unha nova edición das xornadas “Faite dixit@l” para coñecer a nova sede electrónica da Xunta de Galicia

iMit - Sáb, 13/10/2018 - 09:15

• Está dirixida aos responsables das aulas CeMIT e aliados dixitais, así como o persoal dos concellos e calquera outra persoa usuaria interesada
• O ciclo coincide co sétimo aniversario da entrada en funcionamento da sede electrónica da Xunta, que se renovaba recentemente

Idioma Galego

O Plan Digitalent ofrece 80 actividades ata decembro para achegar as profesións TIC aos máis novos

iMit - Jue, 11/10/2018 - 16:30
Idioma Galego

• Este mes de outubro ábrese o prazo para ser Tecnólogo por un día e participar nas actividades NativosR e CreaR
• Xa están en marcha as sesións de mentoring GirlStem e en decembro arrancarán DixiXogo, á que se sumarán GenTech e DXC Codes en xaneiro
• É un plan integral que abrangue todo o rango de idades para reducir a fenda entre a demanda e a oferta de perfís profesionais dixitais

Plan Digitalent Plan Digitalent

A Amtega convoca máis de 500 prazas para as probas da certificación galega de competencias dixitais en ofimática

iMit - Jue, 11/10/2018 - 13:30

• Os exames presenciais celebraranse os días 14, 15 e 16 de novembro nas aulas CeMIT de 41 concellos de toda Galicia
• Están orientadas a aquelas persoas que xa posúen os coñecementos necesarios ou que optan pola modalidade autoformativa
• Este certificado, que emite a Amtega, acredita os coñecementos nesta materia da persoa titular ante calquera instancia pública ou privada

Idioma Galego

Nova edición de Xeración Ñu xa na nube

Mancomún - Jue, 11/10/2018 - 12:44

Xeración Ñu é unha publicación dixital galega sobre cultura libre que naceu nesta primavera coa idea de dar a coñecer e afondar na cultura libre galega tendo un enfoque non só no software e hardware senón tamén traendo á palestra a filosofía libre e as áreas máis creativas como a música, fotografía e edición gráfica.

Esta terceira edición, a número 2, conta con diversos artigos das temáticas que veñen ofrecendo dende os seus comezos. Maria José Ginzo fálanos sobre a visualización de datos coa biblioteca en R Shiny, Fernando Vicente realiza un repaso ás novidade da última versión de Gimp, Arantxa Serantes deléitanos con unha entrevista a Richard Stallman, Miguel Branco cóntanos as ferramentas libres que emprega no seu día a día, Alejandro Rodríguez fálanos da mesa de misturas libre Mixxx, Miguel Ángel Rodríguez elaborou unha revisión do programa de terminal para Android Termux, Jorge Lama fálanos da asociación MeLiSa, mentres Elsa Martínez e Guillermo Garabatos móstrannos os seus traballos artísticos libres, de debuxo e fotografía respectivamente.

O novo número da publicación está dispoñible tanto en galego como en castelán.

Amigus Labs volven reunirse no Lar de Endesa o 13 e 14 de outubro no Workshops’18

Mancomún - Jue, 11/10/2018 - 07:30

A asociación Amigus Labs convoca a todos os “argalleiros” a visitar o Lar de Endesa o día 13 e 14 de outubro en As Pontes de García Rodriguez nun evento discorrerá durante toda a xornada do sábado e durante a mañá do domingo.

Dedicarán toda a fin de semana a traballar de forma comunitaria nos proxectos que teñen abertos, así como a difundir coñecemento aberto. Nesta nova edición os compañeiros de Amigus Labs teñen como novidade a intención de adentrarse no mundo das FPGAs da man da Alhambra II, unha placa libre con FPGA que forma parte do movemento chamado “FPGA wars” mediante o cal se pretende desenvolver e dar difusión de alternativas libres ás FPGAs pechadas.

Ademais, a xente de Amigus Labs tamén convidan a toda persoa que teña un proxecto “maker” a ir ao evento para traballar todos nun mesmo espazo colaborativo no que aprender xuntos sobre tecnoloxías libres.

Máis información e instrución para a inscrición na páxina web do evento.

A Amtega pon en marcha o programa “Destino: Peme Dixital”, un itinerario formativo para a dixitalización de pemes, micropemes e autónomos

iMit - Mié, 10/10/2018 - 16:30

• Foi presentado nunha xornada, inaugurada por Mar Pereira, que sinalou que a iniciativa busca poñer ao alcance do tecido empresarial galego tecnoloxías accesibles vinculadas ao seu negocio
• O programa abarca tres iniciativas adaptadas ás realidades de cada negocio, DixitalOn, AceleraTIC e eLeaders

Idioma Galego

Bricolabs anuncia máis obradoiros previos á OSHWDem

Mancomún - Mar, 09/10/2018 - 20:03

A asociación Bricolabs, asinante do convenio de colaboración coa Amtega para a realización de actividades de promoción do Software Libre en Galicia, anuncia os últimos obradoiros previos á OSHWDem.

O primeiro, impartido por Alejandro Taracido é un obradoiro introdutorio ás comunicacións LoRa e LoRaWan, que terá lugar o venres 12 de outubro ás 10:00 horas na Domus de A Coruña, onde se tomará contacto con estas tecnoloxías de xeito práctico e no que tamén se falará sobre a rede aberta mundial “The Things Network” (TTN). Para máis información e inscrición compre visitar a páxina do evento.

O segundo trátase dun obradoiro de experimentos sonoros con electromagnetismo que terá lugar o sábado 27 de outubro ás 11:30 horas na Domus de A Coruña, estará impartido por Mateo Mena e durante o cal se realizará un acercamento práctico a diversos efectos sonoros onde os asistentes aprenderán a construír dispositivos para reproducir, almacenar e transmitir estes efectos. Para máis información e inscrición pódese visitar a páxina web do mesmo.

O mércores 10 terán lugar varios obradoiros sobre Ubuntu SOXUG

Mancomún - Mar, 09/10/2018 - 17:42

O mércores día 10 de outubro a Oficina de Software Libre da CIXUG organiza dous obradoiros de instalación de SOXUG na USC.

O primeiro será ás 16:00 na aula de informática da Facultade de Física e o seguinte será ás 18:00 na aula de informática 3 da Facultade de Matemáticas.

No obradoiro axudaráselles ao asistentes a instalar SOXUG que é a distribución mediante a cal os alumnos poderá dispoñer do mesmo entorno do que dispoñen nas computadoras das súas facultades. Durante o mesmo obradoiro tamén se vai facer unha breve introdución ao software libre así como unhas nocións básicas sobre o manexo da distribución SOXUG a cal está baseada en Ubuntu.

O CDTIC organiza unha sesión demostradora de Zabbix o 10 de outubro

Mancomún - Lun, 08/10/2018 - 14:11

A sesión demostradora titulada “Seguimento de sistemas e infraestrutura TI con Zabbix” terá lugar o 10 de outubro de 2018 de 16:30 a 19:00 horas no CDTIC en Santiago.

O obxectivo desta sesión é mostrar dun xeito práctico as vantaxes de empregar a ferramenta libre Zabbix en pemes e micropemes. Durante a mesma realizarase unha presentación da ferramenta e das súas posibilidades, posteriormente expoñeráse un exemplo práctico seguido da presentación de varios casos de éxito en diversas empresas galegas.

A sesión será impartida por Muutech Monitoring Solutions, que é unha empresa socia de Agasol. Se desexas ter máis información ou inscribirte, podes facelo na páxina do evento.

O CDTIC organiza un obradoiro sobre datos e privacidade o 9 de outubro

Mancomún - Lun, 08/10/2018 - 13:00

O 9 de Outubro de 2018 de 16:30h a 18:30 horas no CDTIC en Santiago, terá lugar un obradoiro centrado nos datos e na privacidade titulado “Datos libres pero con control“.

Este obradoiro estará impartido pola empresa NoLegalTech, unha empresa de consultoría legal co foco no sector tecnolóxico e membro de Agasol. Durante o obradoiro realizaran unha exposición dun caso de xestión comercial, administrativa e loxística e un exercicio práctico.

Coa formación recibida neste obradoiro adquiriranse coñecementos da lexislación referente á protección de datos e divulgarán ferramentas de software libre que axuden coas tarefas de xestión de datos de carácter persoal.

Se desexas ter máis información ou inscribirte, podes facelo na páxina do evento.

A Amtega presenta un programa de formación para axudar ás pemes, micropemes e autonomos a liderar a súa transformación dixital

iMit - Dom, 07/10/2018 - 09:15

• A xornada terá lugar o 10 de outubro, de 10.00 a 13.30 na Cidade da Cultura
• O experto en transformación dixital, Juan Luís Polo, explicará como este proceso impacta na xestión de equipos e organizacións
• Experiencias reais de pemes e micropemes completarán o contido do encontro
• A xornada é gratuíta e o aforamento é limitado, para asistir é necesaria unha inscrición previa

Idioma Galego

A VIII Xornada de Informática Xudicial trae a Galicia o último en blockchain, ciberseguridade e privacidade

iMit - Sáb, 06/10/2018 - 09:45

• Terá lugar o 10 de outubro na Cidade da Cultura, organizada polo CPETIG e a Amtega

Idioma Galego

Liberado o Audacity 2.3.0

Mancomún - Vie, 05/10/2018 - 15:57

O editor de son Audacity ven de presentar a súa versión 2.3.0 que conta coa corrección de máis de 90 erros e novidades que se poden ver na nota da versión que está dispoñible dende a páxina de descargas.

 

Como transformar o teu currículo de Linkedin no momento

iMit - Vie, 05/10/2018 - 13:17

Idioma Galego

A Xunta de Galicia reforza a súa aposta pola dixitalización das pemes cunha nova edición de Reacciona TIC

iMit - Vie, 05/10/2018 - 11:30

• Pon á disposición do tecido empresarial galego un catálogo de servizos de alto valor engadido para o seu desenvolvemento estratéxico, profesionalización e innovación
• Entre as principais novidades está a incorporación de servizos vinculados a actividades de innovación, a solucións baseadas nos contidos dixitais, a ciberseguridade ou as solucións en mobilidade
• A Amtega e o IGAPE destinan máis de 4,6 millóns de euros ao Programa Reacciona para facilitar ás pemes a súa transición cara á economía dixital, permitíndolles acadar vantaxes competitivas permanentes

Idioma Galego

A primeira edición do Plan de promoción do talento dixital de Galicia, contará con 30 iniciativas para o impulso de perfís profesionais dixitais

iMit - Jue, 04/10/2018 - 16:45

• Feijóo sinala que o obxectivo é reducir a fenda entre a dispoñibilidade de traballadores con competencias dixitais e a crecente demanda destes perfís no mercado laboral
• Destaca que serán tres os eixos de actuación: o impulso das vocacións STEM, a promoción da adaptación aos novos perfís dixitais e a formación de E-líders para a transformación dixital

Idioma Galego
Distribuir contenido