iMit, OSIMGA, Mancomún

O programa ‘Connecting for Good Galicia’ outorga 35.000 euros aos mellores proxectos innovadores da súa segunda edición

iMit - Mar, 24/04/2018 - 16:00

• Entre os 6 proxectos participantes a Xunta premiou cunha axuda de 25.000 euros ao “Mellor Proxecto” da convocatoria, que este ano recaeu en it!

• A Fundación Vodafone concedeu o Premio “Conectados pola Accesibilidade”, valorado en 10.000 euros, aos proxectos 3DAcustic e Sense (z) por ser os que mellor incorporaron os principios de accesibilidade universal

• As seis iniciativas participantes promoven o desenvolvemento de solucións innovadoras con tecnoloxías accesibles para persoas con discapacidade e persoas maiores

• O próximo 7 de maio ábrese a convocatoria para a III Edición do programa, ao que poderán presentarse as candidaturas ata o día 31 de xullo

Idioma Galego

Conde destaca que a innovación debe ser a resposta do tecido produtivo para resolver os retos da dixitalización da economía

iMit - Mar, 24/04/2018 - 12:30

O conselleiro de Economía, Emprego e Industria, Francisco Conde, destacou hoxe durante o acto de clausura da segunda edición e apertura da nova convocatoria de Vodafone Connecting for Good Galicia, que se celebrou na Cidade da Cultura en Santiago de Compostela, que a innovación debe ser a resposta do tecido produtivo galego para resolver os novos retos económicos que están marcados pola dixitalización.

Idioma Galego

Os GPUL Labs continúan con unha sesión sobre os modelos de negocio con software libre

Mancomún - Lun, 23/04/2018 - 12:16

Este mércores 25 de abril na Facultade de Informática da Coruña, a Asociación Universitaria Grupo de de Programadores e Usuarios de Linux, coñecida como GPUL, continúa a serie de conferencias, talleres e charlas “GPUL Labs“, que xa anunciamos previamente e na que teñen lugar eventos diversos ao longo do ano arredor de tecnoloxías libres onde se dan cita, estudantes, profesores, profesionais do sector e afeccionados ás novas tecnoloxías para difundir proxectos e solucións de software, hardware e coñecemento libre.

A sesión desta semana, titulada “Modelos de negocio con software libre“, corre a cargo de Jacobo Aragunde desenvolvedor na consultora de software libre galega Igalia, nela explicaranos diferentes modelos de negocio e como se poden aplicar ao software libre, contaranos algúns exemplos de empresas e comunidades exitosas mostrándonos así como os modelos “tradicionais” se poden adaptar ao Software Libre con éxito.

Dende GPUL, lembran que aínda teñen oco para relatores e relatoras que queiran participar dunha forma máis activa dos GPUL Labs e impartir unha conferencia, un obradoiro, unha charla ou similares.
Se es unha empresa pode interesarche participar no programa de patrocinadores desta edición dos GPUL Labs.

DICO in motion

iMit - Lun, 23/04/2018 - 10:39

O 2 de maio de 2018 celébrase a xornada de presentación e lanzamento do Plan DICO Mindset, un plan para o impulso aos contidos dixitais en Galicia, orientado a reforzar o capital humano, desenvolver proxectos tractores e fomentar a competitividade dixital dun sector con 900 empresas e máis de 5.000 empregados en Galicia.

Idioma Galego

A Xunta trasládalle ao Clúster do Turismo que o Plan de Banda Larga mellorará a cobertura de internet en núcleos de 181 concellos

iMit - Dom, 22/04/2018 - 10:00

• As directoras de Amtega e Turismo reuníronse esta semana con representantes do Clúster e abordaron as melloras de acceso a internet previstas pola Xunta e o Estado

• En dous anos o Plan facilitará o acceso a redes de 100Mps a 74.400 persoas de núcleos das catro provincias

• A Xunta ten en marcha desde o 2015 o Plan Smart Turismo para impulsar a dixitalización do sector e favorecer a prestación de servizos de calidade

Idioma Galego

Publicado o undécimo número do Boletín de Software Libre para o sector Empresarial

Mancomún - Jue, 19/04/2018 - 14:15

Xa está publicado o undécimo número do Boletín de Software Libre para o sector Empresarial, correspondente a este mes de Abril. O proxecto destacado deste mes é GnuCash, un software de finanzas persoal e para PEMEs.

No apartado de novas destacamos a publicación do novo artigo tecnolóxico sobre os Sistemas de Información Xeográfica, o obradoiro de WordPress de SmartPeme, así como outras actividades levadas a cabo por CNTG, CDTIC, GPUL e GSIC.

Boletín Software Libre na Empresa

Este boletín xurde polo éxito e o interese que está a ter o boletín adicado a mostrar as solucións de software libre que se están a empregar en diferentes administracións públicas. No caso deste novo boletín, tanto os proxectos e ferramentas destacadas como os casos de éxito e as novas recompiladas están orientada ao sector empresarial galego, tratando de difundir casos de éxito de aplicacións de software libre que están sendo empregadas por outras empresas ou ferramentas e proxectos de software libre que poden resultar de interese para o tecido empresarial, tanto para uso propio como tamén como posible opción de xerar negocio a través del.

Ademais de recompilar diferentes novas sobre solucións con software libre, todos os meses destacarase un proxecto ou ferramenta de software libre, así como un caso de éxito de implantación da mesma por parte dunha empresa, tratando de dar a coñecer non só a solución como tal senón mostrando un exemplo de que está a ser empregado e solucionando unha necesidade que calquera outra empresa pode ter tamén.

VIGO INTEGRA V: Curso Impresión 3D

iMit - Jue, 19/04/2018 - 11:42

Este curso, que deriva do programa Vigo Integra V, achéganos ao mundo da impresión 3D

Idioma Galego

Alfabetización informática

iMit - Jue, 19/04/2018 - 11:35

Inicio básico no uso dun ordenador

Idioma Galego

A administración alemá empregará Nextcloud para a súa nube privada

Mancomún - Jue, 19/04/2018 - 11:34

Nextcloud ven de anunciar que o goberno federal alemán escolleu Nextcloud como a solución a implantar para a súa nube privada.
Esta decisión foi tomada polo Informations Technik Zentrum Bund (ITZBund), que é o fornecedor de servizos informáticos centrais do goberno federal alemán.

Esta solución permite almacenar e compartir documentos dunha forma sinxela a través de internet ou unha rede privada, sendo esta a principal funcionalidade, pero Nextcloud vai máis aló e ten outras funcionalidades moi útiles e encamiñadas á produtividade tanto para a administración pública, como para empresas e incluso para os usuarios particulares como son mensaxería instantánea e vídeo conferencias, correo electrónico, calendario e contactos.
Nextcloud ofrece todo isto nunha mesma plataforma e ademais cumprindo con varias regulacións de protección de datos coma a GDPR e a HIPAA.

No caso alemán, decantáronse pola subscrición a Nextcloud Enterprise asegurándose así de ter o control dos seus datos, tendo acceso ao servizo de soporte e mantemento, así como unha garantía de servizo que ofrece a empresa Nextcloud GmbH que é a empresa que desenvolve o propio software e ofrece os servizos de soporte.

Fonte: https://nextcloud.com/blog/german-federal-administration-relies-on-nextcloud-as-a-secure-file-exchange-solution/

Smartphones

iMit - Jue, 19/04/2018 - 11:30

Sácalle partido ao teu smartphone con esta actividade.

Idioma Galego

GDPR: que é e como vai afectar a Internet na Unión Europa

iMit - Mié, 18/04/2018 - 13:30

Idioma Galego

A aplicación de finanzas GnuCash libera a súa nova versión 3.0

Mancomún - Mié, 18/04/2018 - 10:03

GnuCash, que forma parte do proxecto GNU, comezou como un sistema de finanzas persoal no ano 1998, pero que pouco a pouco foi incorporando funcionalidades propias de sistemas de finanzas para pequenas empresas. Polo que hoxe en día se pode dicir que a aplicación GnuCash é unha aplicación válida para levar conta das finanzas de PEMEs e autónomos.

A ferramenta de finanzas de GNU lanzou a principios de mes a súa nova versión 3.0 que da comezo a unha nova serie de versións estables.
Entre as novas características e funcionalidades desta versión están:

  • A aplicación agora emprega o toolkit GTK 3 e a API WebKit2Gtk.
  • Nova interface de usuarios para xestionar ficheiros asociados a transaccións.
  • Novo forma de eliminar prezos antigos na base de datos que facilita o proceso.
  • Novos tipos de informes.
  • Novos importador de CSV.

E moitas outras novidades que pode ver ao completo no anuncio da versión.

A aplicación, que é multiplataforma, pódese descargar dende a páxina web oficial.

A Xunta pon en marcha un Plan de formación sobre administración dixital e protección de datos para os empregados públicos

iMit - Lun, 16/04/2018 - 16:00

• A EGAP ofrecerá medio centenar de cursos con máis de 1.200 horas de capacitación específica online e presencial

• Trátase dun itinerario formativo que acompaña ao proceso de transformación dixital que se está a abordar na Administración autonómica

• Incorpora tamén as novidades sobre seguridade e protección de datos derivados do novo regulamento europeo, que entra en vigor o 25 de maio

Idioma Galego

Premios Galicia das Telecomunicacións 2018

iMit - Lun, 16/04/2018 - 09:55

O Colexio Oficial e a Asociación de Enxeñeiros de Telecomunicación de Galicia (COETG-AETG) convocan unha nova edición dos Premios Galicia das Telecomunicacións 2018, que unha vez máis serán entregados no marco da XXIII Noite Galega das Telecomunicacións e da Sociedade da Información. O evento terá lugar o 1 de xuño de 2018 e estará dedicado ao Big Data.

Idioma Galego

A Amtega e Orange comezan este xoves unha nova edición da iniciativa de capacitación dixital “Ao lado dos nosos maiores”

iMit - Sáb, 14/04/2018 - 10:15

• O ciclo ofrece 17 talleres prácticos nas aulas da Rede CeMIT para facilitar o uso de dispositivos móbiles entre as persoas maiores
• Estes obradoiros de balde serán impartidos por persoal propio de Orange de xeito presencial
• O único requisito para poder asistir é solicitar praza na localidade de interese, ben directamente na aula CeMIT de cada concello, ou a través da web da Rede

Idioma Galego

Este sábado O Recuncho Maker ofrece un obradoiro de deseño de placas PCBs con KiCad

Mancomún - Jue, 12/04/2018 - 19:41

O sábado 14 de abril o Recuncho Maker de Santiago organiza un obradoiro de deseño de placas PCBs co software libre KiCad.

KiCad é unha suite de software libre para a automatización do deseño electrónico. O programa é unha ferramenta que axuda no deseño de esquemas de circuitos electrónicos e a conversión en deseños de PCBs (do inglés Printed Circuit Board) para a súa posterior impresión e fabricación. KiCad é unha aplicación multiplataforma con soporte para Windows, GNU/Linux e MacOS e está licenciada baixo a GPLv3.

O obradoiro será fundamentalmente práctico, onde se deseñará unha placa para un cargador de pilas, pasando por todas as fases que son precisas para o seu deseño completo ata obter os ficheiros que se precisan para encargar a fabricación da nosa placa.

Pódese atopar máis información sobre o evento así como o formulario para o rexistro como asistentes na páxina do evento.

Máis de 330.000 galegos de 258 concellos terán acceso a internet de redes ultrarrápidas en 2020

iMit - Jue, 12/04/2018 - 16:15

• O Plan de Banda Larga da Xunta e as medidas do Estado impulsarán a extensión de fibra no rural entre 2018 e 2020

• Este ano completarase a conexión de 81 polígonos a redes de ata 350 Mbps e o 100% do centros educativos públicos disporán de conexións superiores aos 100Mbps

• Galicia foi a primeira Comunidade en contar cunha Lei de impulso ás infraestruturas de telecomunicacións para axilizar os despregamentos

• A normativa garante a incorporación de infraestruturas TIC na fase de construción da novas vivendas, da estradas e dos edificios públicos autonómicos

• Está en marcha outro Decreto, que obrigará a que os novos polígonos industriais se proxecten contemplando a necesidade de acceso a redes ultrarrápidas

Idioma Galego

Red Hat Enterprise Linux actualiza á versión 7.5

Mancomún - Jue, 12/04/2018 - 12:00

A distribución de GNU/Linux empresarial de Red Hat acaba de sacar unha actualización para a súa última versión, a 7.5. Red Hat segue co seu enfoque en servidores, no mundo “cloud” e infraestrutura híbrida.
As novidades máis destacadas son a integración de OpenSCAP coa plataforma Red Hat Ansible Automation, melloras de rendemento con Virtual Data Optimizer (VDO), así como melloras na compatibilidade con Windows Server e Microsoft Azure.

Podes ver máis detalles sobre esta actualización na nova da páxina de Red Hat e nas notas da versión.

Dixital total

iMit - Mié, 11/04/2018 - 10:50

Coñece as posibilidades que che ofrece a Administración Electrónica

Idioma Galego
Distribuir contenido